Introducción
O Proxecto Verbena Sinfónica é unha emocionante iniciativa musical que combina diversos xéneros como o chachachá, a copla, o pop, ou o rock, xunto coa sofisticación da música sinfónica, e todo elo contextualizado dentro da tradición festiva da verbena galega. Baixo a dirección musical e os arranxos do mestre Alfredo Susavila, este proxecto reúne a talentosos artistas para crear unha experiencia musical única. Os vocalistas Silvia Ferre e Pedro Regueira, acompañados polos instrumentistas Carlos Calviño nas guitarras, Pachi Cruz no contrabaixo e o baixo eléctrico e o propio Alfredo Susavila no piano e teclados, únense para ofrecer un espectáculo cheo de enerxía e creatividade. Dita formación súmase á da Banda, composta por músicos apaixonados e dedicados para acadar unha amálgama de sons inesquecible.
Visión do proxecto
Verbena Sinfónica fusiona a grandiosidade dos arranxos sinfónicos coas vibrantes melodías e letras das cancións das músicas populares, tradicionais e modernas, creando así un espectáculo musical que atrae a unha audiencia moi diversa, tanto no referente a idades como a gustos. Esta combinación de elementos musicais ofrece un enfoque único e fresco ao concepto tradicional da nosa verbena, dándolle a ésta unha visión elaborada e innovadora, pero sen descoidar o auténtico espírito lúdico da mesma.
Repertorio musical
O repertorio deste proxecto inclúe unha selección moi diversa de cancións populares da verbena, todas elas adaptadas e arranxadas dende unha perspectiva sinfónica por Alfredo Susavila. Estas obras engloban unha extensa gama de estilos e emocións, dende as animadas cancións de baile ata os himnos máis emblemáticos do rock. Este listado de pezas será representado en escena durante un pase ininterrumpido de 90min de duración.
Eventos e actuacións
O Proxecto Verbena Sinfónica está deseñado para ser levado a todo tipo de escenarios, dende festivais ao aire libre ata auditorios e teatros pechados. A natureza deste evento único garantiza o éxito de xeito absoluto, sendo altamente recomendado e apto para todos os públicos.
Grabación en directo coa Banda da escola de música de Rianxo